طريقك إلى الزمالة البريطانية في الجراحة (MRCS) - الجزء الأول (Part A)

بسم الله الرحمن الرحيم

·         Components of the 1^st part:

1.      Basic science (Anatomy, physiology & pathology).

2.      Surgery (general & special).

الامتحان بيبقى بنفس التقسيمة كده، ورقة بيزك (180 سؤال اختياري في 3 ساعات)، وتريح نصف ساعة تقريباً أو ساعة، وبعدين ورقة الجراحة (120 سؤال اختياري في ساعتين).
يعني 300 سؤال في خمس ساعات، يعني كل سؤال له دقيقة تحله فيها أو أقل عشان تسيب وقت ولو بسيط للمراجعة.

سعر الامتحان حوالي 600 جنيه استرليني، وبتزيد شوية في بعض الأماكن، وده تقريباً حوالي 12 ألف جنيه مصري.

*****

طريقة المذاكرة اللي كنا بننصح بيها زمان

زمان كنا بنقول إن المطلوب هو إنك تذاكر نظري، وتحل أسئلة كتير، ودي مصادر كتب المذاكرة في الاتنين.

·         Sources:

1.      Basic science summary for the MRCS – Andrew Raftery.

It includes anatomy, physiology & pathology.

ده هتذاكر منه البيزك كله ما عدا الأناتومي، هتذاكره من مذكرة سامح دوس بتاعة سنة ساتة (حوالي 120 ورقة) .. وتاخد من كتابهم الثوراكس بس لإنه مش في سامح دوس.

2.      Essential revision notes from intercollegiate MRCS book 1, volume 1.

3.      Essential revision notes from intercollegiate MRCS book 1, volume 2.

4.      Essential revision notes from intercollegiate MRCS book 2, volume 1.

5.      Essential revision notes from intercollegiate MRCS book 2, volume 2.

دي كتب الجراحة الأربعة بتوعهم، بس انت يكفيك إنك تذاكرها من كتب سنة ساتة، تقرأ الجراحة العامة والخاصة كلها، وتاخد بس من عندهم جزء صغير في (book 1, volume 2) اسمه:

Surgical outcome, research, ethics & law (page 753).

وزمان برده كنا بنقول تذاكر من كتب الأسئلة دي:

·         Questions books for the basic science:

1.      500 Single Best Answers in anatomy – Shahzad G. Raja.

2.      500 SBAs in physiology – Shahzad G. Raja.

3.      500 SBAs in general & systemic pathology – Shahzad G. Raja.

4.      MRCS Part A: Paper 1 SBAs in applied basic science (120 SBAs in each of anatomy, physiology & pathology) – Shahzad G. Raja.

·         Questions books for surgery:

1.      MRCS practice papers – Part A: paper 1 SBAs.

2.      MRCS practice papers – Part A: paper 2 EMQs.

3.      EMQs in surgery for MRCS part A – Irfan Sayed & Mohammed Keshtgar.

4.      Last minute Intercollegiate MRCS EMQs.

طريقة المذاكرة اللي بننصح بيها دلوقتي

 اللي بننصح بيه دلوقتي ببساطة إنك تحل أسئلة علطول.. وفي موقعين مشهورين للأسئلة:
الأول هو Emrcs.com
وده الاستراك فيه لمدة 4 شهور ب30 جنيه استرليني، ولمدة 6 شهور ب40 جنيه استرليني، يعني من 600-800 جنيه مصري
وعليه أكتر من 2000 سؤال
ميزته إنه رخيص وأسئلته سهلة فممكن ده يشجعك إنك تحل، وكمان تقسيمة الأسئلة فيه سهلة
وعيبه إن أسئلته السهلة دي مش شبه أسئلة الامتحان غالباً، والامتحان مش بسهولة أسئلته

الموقع التاني هو passtest.com
 وده الاشتراك فيه لمدة حوالي 3 شهور ب84 جنيه استرليني، وتزيد لحد حوالي سنة ب165 جنيه استرليني، يعني من 1700-3300  جنيه مصري
وعليه أكتر من 2500 سؤال
ميزته إن أسئلته فيها السهل وفيها الصعب وده الأكثر شبها بالامتحان، وإن عليه امتحانات سابقة، غالبا بيبقة آخر 3 امتحانات، وده مفيد جداً، وكمان لو عندك وقت عليه محاضرات فيديو فيها شرح لأغلب مواضيع الامتحان ولكن ده عاوز وقت طويل أنا معملتش منه حاجة، وميزته كمان إنه له برنامج للموبايل بحيث تقدر تحل أسئلة وانت في أي مكان بسهولة
وعيبه إنه غالي ومقسم الأسئلة تقسيمات كتير متعبة شوية يعني تلاقي مثلاُ أسئلة ال
GIT
 تحت أكتر من عنوان.. وكان الأفضل إنها تتجمع في مكان واحد

والنصيحة عموماً إنك لو عندك وقت تبدأ بالموقع الأول وتخلصه، وتعمل لنفسك منه بعض الملاحظات حوالين الحاجات اللي بتتكرر، ولما تخلصه تدخل في الموقع التاني
لو مفيش وقت أو فلوس، يبقى تدخل علطول عالباس تست تحله وتعيده مرة أو مرتين ونفس الكلام، تعمل لنفسك ملاحظات عن الحاجات اللي بتتكرر

تاني خطوة بعد مواقع الأسئلة هي إنك تحل الامتحانات السابقة، تدي للموضوع ده أسبوعين قبل الامتحان، وده من ميزة الباس تست، وتجمع معاه من عالنت أي امتحانات سابقة تانية، مع شيت فوزية، ودع عبارة عن امتحانين متجمعين من الامتحانات السابقة

وفي الامتحان بييجي جزء مش قليل أبداً من الباس تست + الامتحانات السابقة + شيت فوزية
تقدر تقول تقريباً نصف الامتحان إن مكانش أكتر

*****

بعض الناس بتشترك في كورسات مصرية بحوالي 250-300 دولار، وأنا شايف إن الباس تست أرخص وكفاية.

*****

الموضوع ده كله ياخد من حوالي 4-5 شهور بمعدل 4-5 ساعات يومياً.

*****

أنا عامل مذكرة مجمع فيها ملاحظات من أكتر من 6000 سؤال، ممكن تساعدك في المذاكرة، بإنك أول ما تنوي مذاكرة، تقرأ منها جزء وبعدين تحل وراه الأسئلة بتاعته، تقرأ مثلاُ أناتومي، وبعدين أسئلته وهكذا، ووانت بتحل لما يقابلك جزء وعاوز تراجعه ترجع له في المذكرة، وممكن يساعدك في كده خاصية البحث بتاعة في البي دي إف، أو من خلال الفهرس.

ولكن المذكرة دي في أجزاء محتاجة تتظبط فيها لإنها ناقصة فيها ومن أهم الحاجات دي
Peri-operative care
Anticoagulation & thrombo-prophylaxis
Statistics
Audit & research

رقم إيداع لكتاب - تجديد رخصة قيادة - القبول لمعهد القراءات - سفارات السعودية - معرض الكتاب - بدل فاقد شهادة الجيش - تصريح السفر

بسم الله الرحمن الرحيم

لعمل رقم إيداع لكتاب بدار الكتب المصرية

1- هتطبع غلاف الكتاب على ورقة عادية خالص .. الكلام ده قبل الطباعة النهائية.
2- هتاخد الغلاف ده وتختمه بختم المطبعة أو الناشر .. أي حاجة.
3- هتروح بالغلاف ده لدار الكتب المصرية ومعاك صورة بطاقة المؤلف .. لو انت المؤلف روح بالبطاقة وخلاص.
4- هتطلع دور واحد بس من السلم اللي عالشمال أول ما تدخل مبنى الدار .. رابع مكتب على إيدك اليمين .. وتقلهم أنا عاوز أعمل رقم إيداع .. هيقوموا عاملينهولك وببلاش! .. خلصت القصة :)
5- تاخد رقم الإيداع وترجع تضيفه عالكتاب عالكمبيوتر .. وتطبع الكتاب .. وتودي منه 10 نسخ لدار الكتب المصرية نفسها في خلال 3 شهور من تاريخ عمل رقم الإيداع.
بس كده :)

* طب لو انت طبعت الكتاب من غير ما تعمل رقم إيداع؟
- بسيطة .. هتعمل رقم إيداع بنفس الطريقة وتضيفه بإيدك أو بملصق أو بختم عالكتاب وتودي برده 10 نسخ.
- يبقى الخلاصة: إنك ممكن تطبع الكتاب وتاخد 10 نسخ في إيدك في نفس السفر وانت بتعمل الرقم .. وأما تاخد الرقم تكتبه على الـ10 نسخ وتسلمهم في نفس الوقت .. يبقى هي سفرية واحدة بعد طباعة الكتاب.

* طب إزاي أروح دار الكتب؟
- تركب ميكروباص مصر .. تنزل المؤسسة .. تاخد ميكروباص أبو العلا هتلاقيه جنبك علطول .. وتنزل دار الكتب المصرية .. أو تاكس .. ده أو ده .. بس التاكسي ملوش لازمة وغالي عالفاضي.
ده بيكسر يمين قبل مستشفى النيل .. وبيمشي عالكورنيش لحد ما يوصل للدار .. في ربع ساعة مثلاً .. بس كده :)

* تنبيهات:
- تغيير أي شيء في محتوى الكتاب يقتضي عمل رقم إيداع جديد .. أما تغيير تصميم الغلاف مثلاً فلا يقتضي ذلك.
- الدار شغالة لحد الساعة 5 مساءاً .. أما في رمضان لحد الساعة 2 ونص بس.
- الدار أجازتها الجمعة والسبت.

*******************************************************************

الأوراق المطلوبة لتجديد رخصة القيادة الخاصة

1- أصل بطاقة الرقم القومي + صورة منها.
2- عدد 2 شهادة طبية (باطنة + رمد).
3- شهادة براءة الذمة المالية (المخالفات).

*******************************************************************

الأوراق المطلوبة لمسابقة القبول لمعهد القراءات بطنطا
 1.    أصل شهادة ميلاد كمبيوتر.
2.    أصل الموقف من التجنيد حتى مواليد 1992.
3.    6 صورة شخصية للطالب 4 في 6 حديثة.
4.    المؤهل الدراسي لمن حصل على مؤهل (الإعدادية الأزهرية لمرحلة القراءات).
5.    20 عريضة مجوز.
6.    2 دوسية بلاستيك.
7.    2 ظرف أصفر كبير.
8.    5 ظرف صغير.
9.    12.5 جنيه طوابع بريد.
10.    1 جنيه دمغة.
11.    طلب التحاق للمعاهد الأزهرية.
12.    صورة البطاقة.

*******************************************************************

عناوين سفارات السعودية

1- القاهرة الجديدة: 44 ش التسعين - مبنى البحوث بجوار شركة ألكسون خلف الداون تاون مول - التجمع الخامس.
2- المنيل: 61 ش عبد العزيز آل سعود بالروضة.
3- مصر الجديدة: قطعة 25 - عمارات الملتقى العربي - طريق الأوتوستراد بعد (صن سيتي مول) فوق معرض سيارات (في أوتو) - مساكن الشيراتون.


*******************************************************************

معلومات عن بعض دور العرض بمعرض الكتاب
والكتاب المتوفرة بها:

 1- دار الفاروق: كتب منزلية (فن صناعة البراويز) - كتب لغوية (النحو الواضح) - كتب ابن القيم طبعة مربعة - كتب الشيح جاد الحق (بيان للناس).
2- أطلس: كتب العقاد - روايات - كتب أجاثا كريستي.
3- الطلائع: كتب محمد محي الدين عبد الحميد - شوقي ضيف - مصطفى محمود - كتب لغوية - كتب خط عربي.
4- الغد الجديد: كتب العقاد - روايات نجيب الكيلاني - روايات المنفلوطي (الأخيرتين صادرتين عن دار الصحوة) - لغويات (د. سعيد حسن بحيري).
5- المستقبل: ماكيتات للأطفال.
6- مصر: كتب مصطفى محمود.
7- الذهبية: كتب تاريخية - سير المشاهير.
8-: التنمية: كتب أجنبية مترجمة - كتب نجيب محفوظ - كتب محمد شحرور - كتب نصر حامد أبو زيد.
9- سندباد: كتب وألعاب للأطفال - كتب محمد الغزالي - كتب د. أحمد خيري العمري.
10- ن: رويات مصرية - كتب يوسف زيدان.
11- المصرية اللبنانية: كتب جبران خليل - محمد حسين هيكل - إجسان عبد القدوس - عبد الوهاب مطاوع - أحلام مستغانمي - دوستيوفسكي - كتب لغوية - روايات.
12- مدارات: كتب عقدية (العذر بالجهل).
13- الهيئة المصرية العامة للمساحة: خرائط.
14- دار السلام: كتب عبد الرحمن حسن حبنكة الميداني - التاريخ الإسلامي لمحمود شاكر.
15- دار الفضيلة: كتب محمد بن عبد الوهاب.

-----

 الأوراق المطلوبة للتعيين في وظيفة معيد بكلية الطب

* حاجات سهلة (غالبا عندك): صورتين بطاقة - 4 صور شخصية - صورة شهادة الامتياز.

* من مكتبة منى (شارع البحر أدام شارع العيادة الشاملة): ظرف أصفر كبير - استمارة 103 ع.ح. - كشف ممتلكات - استمارة 6 تأمين ومعاش - المستفيد من منحة 3 شهور.

* من مدام مرفت في شئون العاملين (الدور الأرضي في الكلية): جواب طلب عضوية من نادي أعضاء هيئة التدريس.. هتاخده من عندها وتروح بيه النادي في سبرباي جوا مجمع الكليات.

* من مكتب بريد المجمع ورا كلية الطب: إقرار ذمة مالية - 7 دمغات ب 70 قرش - 6 دمغات ب 1 جنيه.

* من الحاسب الآلي (أ. علي - مكتب الحاسب الآلي - الدور الأول علوي في العيادة الشاملة قبل مكتب شئون الأطباء): بيان بمفردات المرتب موضحا بها آخر صرفية صرفت (أصل وصورتين).

 * من شئون الأطباء: صورة شهادة طبيب مقيم.

 * من مستشفى المجمع الطبي (شارع البحر قرب الشيخة صباح): نموذج 111 ت.ص (فحص طبي - كشف طبي ابتدائي).. بتاخده من الدور التالت.. وبتروح بيه لمدام مرفت تملاه وتختمه وبعد كده تكلم الرقم اللي على ورقة الكشف وتحجز معاه.. الرقم هو 2363.

* من نقابة الأطباء في شارع صدقي: شهاده قيد من النقابة (لو قالكو ادفعو الاشتراكات قولو إنكو نواب جامعة والجامعة مسددة الاشتراكات عننا لحد ٢٠١٥).

* من نقطه شرطة سيجر: فيش وتشبيه.

 * من مركز إصدار الوثائق (شارع الحلو مع حسن رضوان): شهادة ميلاد.

 * من مكتب العمل (عند كوبري قحافة): شهادة قيد من القوى العاملة (أصل وصورة).. (ده بالنسبه للناس اللى من طنطا.. وبيحتاجو صورة موهل وصورة بطاقة وصورة الرقم التأميني).

* من منطقة التجنيد: المعاملة العسكرية.. لازم أصل شهادة الإعفاء أو شهادة نهاية الخدمة (ممكن تستنى تسحبها يوم الاستلام من ملف الصحة أو تطلع بدل فاقد من التجنيد).

 * من التأمينات والمعاشات التابع لها (طنطا ثان من شارع قطيني جنب مستشفى الفضالي): الرقم التأميني.

 * من وزارة الصحة بالقاهرة: أصل ترخيص مزاولة المهنة.. المفروض إننا كنا استلمنا نسختين منه من النقابة (نسخة فى الملف بتاع المديرية ونسخة معانا).. اللى ضيع نسخته يا إما يستنى لحد يوم الاستلام ويسحبها من ملفه فى الصحة.. أو يطلعها من وزارة الصحة فى القاهرة.

 * إخلاء الطرف من مكان العمل السابق (من المديرية والإدارة والوحدة الصحية).

-----

استخراج بدل فاقد شهادة تأدية الخدمة العسكرية

1- محضر فقد شهادة تأدية الخدمة العسكرية بالقسم التابع له.

2- صورة من شهادة تأدية الخدمة العسكرية مع المحضر لمكتب التجنيد بالقسم التابع له.

3- ختم من قسم التجنيد بمديرية الأمن التابع لها.

4- السجلات العسكرية بمنطقة التجنيد التابع لها (مواعيد العمل بها: من السبت للثلاثاء فقط - حتى الساعة 12 ظهراً فقط).

استخراج تصريح سفر

1- إيضاح من مكتب التعبئة بالقسم التابع له.

2- أصل شهادة التجنيد مع الإيضاح لمجمع خدمة المواطنين بمنطقة التجنيد التابع لها.

إيضاح أنك غير مطلوب للستدعاء

1- جواب من قسم التجنيد بمديرية الأمن التابع لها.

2- الجواب مع صورة من شهادة التجنيد لإدارة التجنيد والتعبئة بحلمية الزيتون (مكتب التعبئة).

من أبحاثي الشرعية

بسم الله الرحمن الرحيم

سلسلة: فقه الحدود:

1- حد الردة

رداً على عبد المنعم أبي الفتوح.

2- حد السرقة.

رداً على محمد مرسي، وجلاءاً لمحاسن حد السرقة، وبياناً لشروط تطبيق هذا الحد والشبهات المثارة حوله.

سلسلة: نقض المواطنة:

1- وألا يقتل مسلم بكافر.

رداً على يسري الكومي مرشح مجلس الشعب، وبياناً لوجه من أوجه التعارض بين الإسلام والمواطنة.

سلسلة: نقض فقه التنازلات:

صلح الحديبية - الصلح المفترى عليه

مستفاد من محاضرة للشيخ إياد قنيبي بعنوان: ((لا تنازلات في صلح الحديبية .. بل عزة وشموخ وكرامة))

-----

أبحاث متنوعة:

أدلة تحريم تهنئة غير المسلمين بأعيادهم.

بحث جديد في أدلة تحريم تهنئة غير المسلمين بأعيادهم بطريقة تأصيلية من خلال أصول الدين وقواعد معرفة البدع.

الأمر بالمعروف والنهي عن المنكر من شعائر الإسلام.

دفاعاً عن هذه الشعيرة العظيمة، مركزاً على مسألة تغيير المنكر باليد، التي يراد لها أن تكون نسياً منسياً.

بحث عن معجزات الرسول صلى الله عليه وسلم.

فزت بهذا البحث في مسابقة لاتحاد الجمعيات الأهلية.

بحث حول شبهة تعدد زوجات النبي صلى الله عليه وسلم.

تقدمت بهذا البحث في مسابقة للدعوة السلفية.

-----

اقتباسات فريدة: 
الديموقراطية بين حقيقتها ومحاولة أسلمتها 

منقول بتصرف من كتاب: ((النظام السياسي في الإسلام))

تأليف مجموعة من أعضاء هيئة التدريس بقسم الدراسات الإسلامية
جامعة الملك سعود

 أقوال الأئمة في اتباع السنة وترك أقوالهم المخالفة لها
من مقدمة كتاب: ((صفة صلاة النبي صلى الله عليه وسلم .. من التكبير إلى التسليم كأنك تراها))
تأليف الشيخ محمد ناصر الدين الألباني (رحمه الله)

 الأدلة الشرعية على وجوب حماية الملكية الفكرية
منقول من ((حماية الملكية الفكرية في الفقه الإسلامي والآثار الاقتصادية المترتبة عليها))
تأليف (الدكتور) ناصر بن محمد بن مشري الغامدي
أستاذ المواريث والسياسة الشرعية المشارك بقسم القضاء، ووكيل كلية الشريعة والدراسات الإسلامية
جامعة أم القرى بمكة المكرمة

 أحكام التصوير
منقول بتصرف واختصار يسيرين من ((الشرح الممتع على زاد المستقنع))
شرحه وأملاه فضيلة الشيخ/ محمد بن صالح العثيمين (رحمه الله تعالى)

دليل طالب الطب في التعامل مع الروتين

بسم الله الرحمن الرحيم

عشان تريح نفسك .. أما نهاية الامتياز تقرب .. هات دوسية بلاستيك بكبسونة .. وحط فيه الآتي:
- 5 نسخ من أصل شهادة الميلاد (الواحدة بـ 7 جنيه من المركز اللي في شارع الحلو مع حسن رضوان أو أي مكان شبهه .. يبقى كده 35 جنيه).
- 20 صورة لبطاقتك الشخصية (بـ5 جنيه). 
- بطاقة 6 جند .. طب لو ضاعت منك؟ بتطلع بديل لها حاجتين:
1- الثلاثي العسكري - تأكيد بيانات دي فيها بيانات الـ6 جند (ورقة بيضا من السجل المدني اللي أدام الاستاد .. بـ... جنيه) .. ودي كفاية في تأجيل التجنيد.
2- 7 جند (ورقة صفرا من مديرية أمن الغربية اللي في شارع النادي .. بنص جنيه) .. ودي مهمة في التقديم للكشف الطبي.


مواقع مهمة
مديرية صحة الغربية: خد شارع البحر لحد أحمد ماهر .. وخد أحمد ماهر لحد ميدان الساعة واكسر يمين .. امشي طوالي لحد ما تلاقي المديرية على إيدك الشمال عالناصية.
الإدارة الصحية بطنطا: خد شارع سعيد لحد الملجأ وخد الشارع اللي على ناصيته الملجأ باتجاه الحلو .. المديرية على إيدك اليمين .. أو خد الحلو لحد صيدلية شلتوت ومحلات أبو العز للحبوب واكسر الناصية دي باتجاه سعيد .. هتلاقي المديرية على إيدك الشمال.
منطقة التجنيد: خد شارع النادي لحد السريع واكسر شمال وعدي سوق الجملة طوالي لحد السكة الحديد .. اكسر شمال وعدي السكة الحديد تلاقي التجنيد في وشك.

(1)

قصة التقديم للنيابات (وظائف الجامعة)

1- شهادة بكالوريوس الطب والجراحة موضحاً بها التقدير العام ومجموع درجات البكالوريوس.
2- شهادة بيان تقدير سنوات الدراسة موضحاً بها التقدير العام وتقدير مادة التخصص.
3- شهادة بأداء فترة الامتياز لمدة سنة على الأقل موضحاً بها الأقسام التي تدرب فيها ومدتها.
دول 3 شهادات بتعملهم في شئون الطلاب اللي في الكلية وبتاخدهم بعد كام يوم، ملكش دعوة بالتفاصيل المكتوبة دي .. المهم إنهم 3 شهادات وهما فاهمين هما بيعملوا إيه .. بـ ... جنيه.

4- استمارة رغبات (دي من شئون الأطباء اللي في العيادة الشاملة، وفيها 33 رغبة بعدد أقسام الكلية .. ببلاش).
5- 
5- موافقة جهة العمل على التقدم للإعلان (ده من مديرية الصحة .. ببلاش).

6- عدد 6 صور شخصية.

7- أصل شهادة الميلاد أو مستخرج رسمي منها.


8- الموقف من التجنيد (ده من منطقة التجنيد طبعاً .. ببلاش).
9- صحيفة الحالة الجنائية (فيش يعني، موجه لكلية الطب ومستشفياتها الجامعية وده من القسم، بس خد بالك إن الفيش العادي بيقعد 7 أيام عما تاخده، يعني لو عامله الخميس هتاخد الأربع .. والواحد بـ6 جنيه .. فلو وقتك كان ضيق اعمل الفيش الإلكتروني بتاخده بعد يوم تقريباً .. بس الواحد بـ ... جنيه).

هتجمع حاجاتك دي كلها وتروح بيها مكتب البريد وليكن اللي في المجمع ورا كلية الطب .. هتاخد منه ظرف كبير بتكتب على ناحية بيانات (لإنك انت المُرْسِل .. اللي باعت يعني) .. وعالناحية التانية في فراغات للمرسل إليه .. ملكش دعوة بيها .. فوق الفراغات دي في مساحة فاضية .. اكتب فيها الصيغة دي تحت بعضها كده:
جامعة طنطا

الإدارة العامة للمستشفيات الجامعية

إدارة شئون الأطباء

السيد الأستاذ الدكتور/ عميد كلية الطب ورئيس مجلس إدارة المستشفيات الجامعية

مسابقة الأطباء المقيمين

خلصت كده .. هتدي لبتاع البريد 10 جنيه .. وهيديك ورقة فاضية تكتب على ناحية منها اسمك وعنوانك (كمرسل) .. وعالناحية التانية المرسل إليه .. هو نفس الاصطمبة اللي فوق دي .. وهياخد منك الظرف ويديك وصل .. بعد 3 أيام تسأل في شئون الأطباء تشوف ظرفك وصل ولا لأ.

 (2)

 قصة تأجيل التجنيد والتجنيد نفسه

دلوقتي يا مصري انت بتقعد تأجل التجنيد من أول ما تخلص الامتياز لحد ما تكشف وتشوف إذا كنت هتخش الجيش ولا لأ .. المهم .. التأجيل بيبقى عن طريق منطقة التجنيد .. بتاخد معاك 3 حاجات:
1- شهادة البكالوريوس الموجهة لمنطقة التجنيد.
2- شهادة الامتياز الموجهة لمنطقة التجنيد.
3- 6 جند.

تروح التجنيد وتاخد من هناك خطاب اسمه: تحديد موقف التجنيد وتملاه .. وممكن تحتاج في الزيارة الواحدة لمنطقة التجنيد إنك تعمل كذا خطاب تحديد موقف .. مثلاً واحد للتكليف وواحد للتقديم في نيابة الجامعة .. المهم .. اتعود إنك تعمل اتنين عالأقل.
بتاخد الخطاب ده وتملى بياناته .. وتروح بيه على كشك في وسط منطقة التجنيد كده .. وتديه للي قاعد فيه مع الشهادتين .. يقوم كاتبلك اليوم اللي اتأجلت له .. وبتاخد الخطابين اللي عملتهم وتروح بيهم لمكان تاني عشان الختم .. بس كده.


في بيان بتملاه اسمه الرقم الثلاثي هتلاقيه في 6 جند أو البديل بتاعها.

انت بتأجل مرة لشهر 3 ومرة لشهر 4 ومرة لشهر 7 .. وبعد كده لو انت نص أول (يعني من مواليد أول 6 شهور في السنة أياً كان سنك) هتأجل لشهر 8 .. وساعتها هيبقى مطلوب منك إنك تستعد للكشف الطبي .. طب إيه الورق المطلوب؟ خد عندك:
1- صورة البطاقة.
2- 3 صور شخصية (الملتحي يروح لأي استودية يشيله الدقن من الصورة).
3- أصل شهادة الميلاد.
4- فصيلة الدم (لازم شهادة معتمدة شهادة معتمدة).

5- شهادة البكالوريوس الموجهة لمنطقة التجنيد. 
6- شهادة الامتياز الموجهة لمنطقة التجنيد.
7- 6 جند أو البديل بتاعها.

 في نهاية الكشف الطبي بتاخد استمارة 110 .. صورها 4 نسخ مثلاً وعينهم عندك لإن دي مهمة جداً.

(3)

إخطار الوحدة أو الجامعة بموقفك التجنيدي

 دلوقتي انت أجلت التجنيد أو رحت كشفت وخدت 110 .. محتاج تعلم الوحدة بموقف الجديد عشان تفضل مسجل على قوتها وتقبض المرتب.

بتاخد استمارة التأجل أو صورة من 110 وتروح المديرية (ميديرية الشئون الصحية بالغربية - ش عثمان محمد) وتطلع لمكتب التجنيد وتديله الورقة اللي معاك .. هيمشورك شوية وفي الآخر يديك ورقة تروح بيها الإدارة الصحية.
هتروح الإدارة الصحية (ش سعيد في الشارع اللي حنب الملجأ) بالورقة دي وتطلع لشئون الأطباء في الدور الأول علطول .. هيمشورك شوية برده وفي الآخر يديك ورقة تروح بيها الوحدة.

الفوائد الخاصة بي في الفقه وأصوله

بسم الله الرحمن الرحيم

(1)
مختصر كتاب: شرح نظم الورقات في أصول الفقه
للشّيخ العَلّامَة محمّد بن صَالح العثيمين

وقد تم الانتهاء من شرح هذا الكتاب في السنة الثانية من معهد الفرقان بطنطا
وأرجو أن أكون قد حضرت أكثر من نصف هذه الدروس مع الشيخ محمد فوزي

وقد قمت باختصار الكتاب عن طريق حذف الأبيات واستخراج الفوائد الأصولية مباشرة مع تنسيقها للوصول المباشر للمعلومة .. وقمت بحذف تخريجات الأحاديث .. وَفَصَلْتُ الفوائد الغير الأصولية في آخر الاختصار .. مع عمل بعض الجداول في أمكانها المناسبة.
 
(2)
تفريغ شرح الشيخ أحمد حطيبة لكتاب ((منار السبيل)) (الدورة الثامنة عشر) 1429 هـ

1- كتاب الطهارة (لم أقم بتفريغه).
2- كتاب الصلاة (لم أقم بتفريغه).

3- كتاب الجنائز (تفريغ قديم).
4- كتاب الزكاة.

5- كتاب الصيام - كتاب الاعتكاف.

6- كتاب الحج.

لتحميل شرح الشيخ المرئي لهذه الدروس .. اضغط هنـــــا